Little Break Coffee & Kitchen (Closed)

晚上十一點幾，突然收到壽星女通知，明晚可以可以同佢食生日飯，二話不說立即上open rice 睇下有咩特別嘅西餐，記得之前試 little break cafe 嘅 lunch, 今次試下dinner 啦。 原來佢有得係open rice apps 即時網上訂位，好方便吖。晚上七點三到餐廳，人數唔太多約6成，多數係朋友聚會，但唔會太嘈。我哋3個人叫左2個set dinner，分別係豬鞍（肉嫩多汁）同海膽鰻魚松露意大利飯（有d 膩）， set 仲包指定前菜沙律，餐湯同飲品，我哋仲叫左炸薯條配三款醬料（茄汁，黑松露醬同韓辣醬）。 見到隔離枱都係慶祝生日，係碟上面寫左生日字句，原來要早一天預先通知。無理由同好朋友慶祝工日生日唔食蛋糕，服務員好好人，雖然我哋無預訂，但都即場係甜品上碟寫生日字句，超窩心。