紫來坊素食料理 (Closed)

今天中午到銅鑼灣，突然很想食素，便想起紫來坊，呢間食肆其實很細，衹有四張四人枱、一張二人枱及一張大圓枱，但質數一啲都唔差，食後都唔會覺得好口乾。平時星期一至五都有特價套餐，不過今天是星期六，衹可以散叫。睇了餐牌後，我對那些粥及炒粉麵都提不起與趣，點小菜自己又食唔哂，最後都係點了碟頭飯 - 芙蓉煎蛋飯及桂花燴素翅。桂花燴素翅 - 湯底很清唔會過咸，湯料亦很足，有素翅、冬茹絲、木耳絲、豆乾絲及竹笙絲等，食落有層次及咬頭。但如喜歡濃味的朋友，你會覺得淡口，不過加些淅醋後，亦會有另一種感覺。芙蓉煎蛋飯 - 蛋面煎得金黄色，很香口，但裏面的餸料絕不欺場，有金菇、冬茹絲、素火腿絲、芽菜、芹菜絲及甘筍絲等，加上甜豉油，「簡單就是美」來形容绝為不過。令我最喜歡在這裏用餐的原因，就係佢哋會用燒瓷的器皿裝載食物，在進餐的過程中，令我感到賞心悅目。另外，呢間小館有小量的素食如包裝小吃、餅乾、粮油醬料及健康飲料等，可以供給喜歡素食的客人購買。