薩莉亞意式餐廳 (新都城中心一期)

Open Now

Now Closed

糧尾嘅時候會想起這間店，呢晚8:30來到，門口仍然企住好多人等位，等左大約20分鐘，終於入座。叫咗幾個菜，再加一大一小嘅任飲，大人$13 ，小童$8 ，真係好鬼抵，雖然嘢飲就選擇唔算多，但係咁平，仲想點，仲要冇加一喎。芝士蒜蓉包：好大塊，除咗芝士還有蒜蓉味，烤得香脆，味道都唔錯，但又唔算10分好味，不過不失。香辣雞翼：呢個唔錯嘅，必叫，夠辣，雞翼唔算大隻，但味道唔錯，又平。周打蜆湯：呢個失望少少，因為我唔鐘意太多配料，影響左個湯味道，我覺得有蜆有湯已經好夠。芝士pizza: 味道都唔錯，芝士夠多，呢個價錢我覺得性價比好高。雖然餅皮厚左少少，但餅皮都脆，所以都好味。