味香薈x羊癮起

Open Now

Now Closed

家人話今天立冬，係進補既時節。叫我收工去買一份羊腩煲返屋企加送。聽講公司附近有間新開既外賣店，評價都唔錯，咁就去買黎試試。諗住客飯應該得幾件，沒想到份量都唔少！而且制作認真，有齊冬菇、竹筍、枝竹同馬蹄，羊肉炆得好淋身，湯底濃郁，各種配菜入哂味，每一啖都食到羊肉既美味。除左羊肉，仲點左手撕雞和北菇雞。手撕雞肉質滑嫩，調味剛好，北菇雞香氣四溢，雞肉吸收左冬菇既鮮味，口感同味道都好好。呢度有個特別之處，白飯係用荷葉做底黎蒸，食既時候食到淡淡既荷葉香，令客飯生色不少。