Three Dice Kitchen (Closed)

一睇到200蚊位有得食分子料理，即刻要試吓先7:00準時到Three Dice Kitchen，因為係分時段嘅關係，要準時呀!!唔係會Miss咗頭盤架咭片已經好有玩味，好得意呀!!首先嚟杯藍色嘅蝶豆花茶一加檸檬會變紫色架，味道係淡淡嘅檸檬味「有汽作用」柚子醋浸日本溫室蕃茄浸喺柚子泡裡面嘅蕃茄仔，柚子醋酸酸哋好醒胃，配埋清甜嘅蕃茄都幾得意「晶球化作用」哈蜜瓜分子晶球配西班牙黑毛豬火腿一啖食落口卜一聲爆開，哈蜜瓜同黑毛豬火腿即刻溶為一體，鹹中帶甜「液態氮」忌廉冰球配煙三文魚薯仔粒敲碎咗忌廉球撈埋三文魚同薯仔粒食，冰冰凍凍口感幾得意，味道新鮮「乳化作用」龍蝦慕絲配魚子醬椰菜花龍蝦慕絲好濃郁呀，加埋魚子醬鮮味香濃，好好味呢「即席煙薰」真空慢煮雞胸配牛肝菌脆粒煙薰過嘅雞胸入口有微微煙燻香，慢煮嘅雞胸細嫩過平時好多，仲有淡淡迷迭香香味「起泡作用」煲仔鮑汁神戶牛面頰西班牙飯配分子蒜香忌廉泡牛面頰軟綿綿，飯焦又脆又香口，加埋蒜香泡泡，味道好香濃又飽肚又得意又好味，嘻最後仲有鼻窿噴煙甜品，呢餐實在好好玩期待新Menu