鮨廷 (Closed)

尖沙咀開左間壽司店，特別在於立食，所以同朋友去體驗一下，其實企住食又唔太累，反而感覺好快消化，唔會頂胃，客人省時食店省成本，雙贏的做法，感覺幾有新鮮感。有自選壽司定食、魚生飯、單點壽司......自選壽司定食還可追加其他壽司，而且定食款內無的，所以可以考慮點個細既定食再追加壽司。定食包括味噌湯及沙律，我選了自選8款壽司定食。沙律用醋汁，酸酸地好開胃，味噌湯微熱溫戈，唔會太咸，配料有油豆腐同海帶。有兩款茶提供，個人較喜歡抹茶，茶粉幼細，一沖就溶化開，茶香味甘幾好飲。油甘魚好肥美，入口快要溶化，魚脂夠甘香，魚肉已塗上醬油，內裡亦有芥末，所以味道已經好足夠。真鯛肉質緊緻，魚味清淡，但有鮮甜味。若唔夠味，可再沾醬油。帆立貝唔算好大粒，不會嫩滑柔軟，幾鮮甜。壽司飯經調味後，成為醋飯，輕輕的醋味更越食越誘人。赤蝦好爽彈的口感，結實口感，不過見友人的甜蝦更為吸引。蔥拖羅軍艦，拖羅充滿魚脂，芳香吸引，味道係口中久久不拖，配蔥的辛辣味，更惹味更夾油香。三文魚籽軍艦，口中爆發鮮味，係海中的咸鮮味，而且味道幾強，魚籽份量也很多，由於師傅每件分開整，食完一件再整另一件，所以軍艦的紫菜都係好脆身，呢樣係幾好既安