立鮨 (富達大廈)

Open Now

Now Closed

立食有試過，但立食壽司就第一次，好朋友話聽過人話好食我地就嚟試下。舖頭唔算大，平日八點幾嚟到，都多人排緊，下次既話會好啲到定等位。企得都幾寛落，下面好大個位可以放嘢。等咗半個鐘多啲入到去，見到師傅係你面前整更加想快啲食。一嚟就叫咗一堆先，師傅好快手，好快就俾到我地。壽司好似係築地食嗰啲咁，壽司飯已經有醬油係入面，飯份量比較細，相反上面既刺身就大舊好多，食落去根本上每夠都非常鮮甜，好好食。雖然咁高質，但價錢嚟講一啲都唔貴，其實只係同連鎖壽司既價錢唔差太多，但就有咁既質素，真係好抵食。我最鐘意既三文魚籽軍艦($20 for 1)，三文魚籽多到滿瀉，味道都好新鮮好好食。中吞拿魚腩刺身($128)，好高質！食落去入口即溶！大滿足海膽特盛($98)，海膽好新鮮，份量又好多！碎蔥吞拿魚腩魚生飯($168)，都好新鮮好好味。朋友最尾因為覺得太好食又encore咗個玉子壽司($9)同火炙三文魚腩($20)。呢度仲有甜品，我地四個人叫咗兩個雪葩($38 for one)，一個椰子味同一個蘋果味，兩個味道都好濃，唔錯！