立鮨

Open Now

Now Closed

相信好多人對立鮨都唔太陌生，由初初尖沙咀開店，由立食到有坐位，由一間開到今日有6間分店，繼續將高質又抵食既壽司帶到唔同區分。燒蝦頭(配鮮蝦味噌湯) $17入口有濃濃既蝦膏味，絕對唔會浪費左個蝦頭。火炙三文魚壽司 $10三文魚非常厚切，經過火炙更帶出三文魚既油份。火炙北海道帶子壽司 $20帶子size適中，入口鮮甜。珍寶赤蝦壽司 $19赤蝦彈牙得黎充滿膠質蟹棒壽司 $12蟹棒夠曬份量，如果伴埋有沙律醬就更好。松葉蟹肉海膽壽司 $38成件壽司都鋪滿厚厚既蟹肉，伴埋海膽勁抵食。辣三文魚手卷 $16同一般壽司店既手卷包法唔同，呈長條形，但成條都會鋪滿辣汁三文魚，飯量都好多。軟殼蟹卷 $48軟殼蟹調味比較咸，伴埋飛魚子口感豐富立鮨壽司拼盤 (上) $100有海膽、珍寶赤蝦、三文魚、帶子同埋油甘魚壽司。嚴選火炙盛合 $115燒三文魚、燒帶子、燒左口魚邊、燒中拖同埋燒松葉蟹腳。大滿足海膽特盛(迷你) $99雖然話係迷你，但一碗仔都有3-4層約十多片既海膽伴飯，不過今日d海膽就差小小，略嫌回甘唔夠同小小散。