立鮨 (安富大廈) (Closed)

今晚天氣好熱，所以決定食壽司，涼涼哋，唔駛食到出駛汗。網上見到呢間立鮨評價唔錯，就決定去試吓。到了餐廳，等一陣就有位了，都幾多人去食。我點了一個丼飯及小量壽司，發現價錢唔太貴，咁嘅質素，收呢個價錢，算抵食。特上北海道魚生飯，份量嚟講都算大，放滿刺身。海胆非常鮮甜，肯定是高質的海胆👍🏻 帶子亦非常厚肉及鮮味，食完呢碗丼飯，其實已經飽了，而且係好滿足果一種飽。碎䓤吞拿魚腩軍艦，吞拿魚腩好重吞拿魚味，加上香䓤，將啲鮮味迫晒出嚟👍🏻三文魚小卷，細細舊，但都會食到三文魚的鮮味本鮪赤身壽司，高級的吞拿魚壽司，咬落去，好似條吞拿魚在口入面遊水一樣，好正火炙大吞拿魚腩海苔壽司，呢個係必食推介，極好味的吞拿魚腩，吞拿魚的味道會在口腔徘徊，太鮮味了營光魷魚軍艦，這個是店長推介，口感爽滑，喜歡食魷魚的朋友不要錯過伊佐木壽司，呢個都係店長推介，我都唔知咩嚟，但店員話好食，咁我就叫了一份。不過真係幾好食，好似食緊真鵰刺身咁👍🏻如果大家想食到咁高質的日本料理，快啲去立鮨試吓啦，荃灣呢間唔駛企，有得坐住食嫁😀