鮨竜 (Closed)

同朋友去黃埔附近行街，佢話個頭有間親民價既廚師發辦Omakase。我哋揀左竜（讀：龍）餐 $680先上刺身4件（由右起，池魚、帶子, 中：笛鯛, 右：吞拿魚（拖羅））。建議食法，先食右，再食左，最後食中間，味道由淡至濃。個帶子幾鮮甜，池魚同拖羅正常發揮。笛鯛個汁幾好食。賣相一流，打卡之選。熱食：汁煮田螺, 醬汁整得幾入味。壽司盛：烏賊， 拖羅，笛雕，赤貝，海膽，星鰻（由左至右）。正常Omakase水準，自己個人鍾意個海膽壽司，好新鮮同滋味。茶碗蒸：個蛋好滑魚子吞拿魚親子丼（迷你）魚子同拖羅都好新鮮，好食。蝦味噌湯：蝦味濃郁，味噌正常。甜品：豆腐雪糕，焦糖燉蛋布甸蛋糕自己喜歡個焦糖燉蛋布甸蛋糕，有軟滑口感，朋友就話佢喜歡豆腐雪糕，淡淡豆味唔太甜。