Video
Read full review
2012-08-26
57 views
絕對同意那一個劣評！態度真係超級差！！而野食都只係普通！可能我冇食其他食家寫個D大堆頭DESSERT， 我只係叫左芒果奶凍，法式燉蛋同黑糯米芒果腸粉。（我唔係好記得D名係咪完全正確！）初初發現呢間野時好開心！因為佢門口貼晒雜誌報導，以為有間隱世甜品店咁近屋企可以成日幫襯 （本人岩岩搬屋），點知！！我之前外賣過個木糠布甸，勁多木糠， 食到成口都係完全冇布甸我都諗住畀多次機會佢！點知今次堂食之後我決定以後都唔會再幫襯！首先， 我地坐得好近收銀， 點知張“鄧”係咁俾D職員踢到！踢到直頭要坐過隔離位避佢地！間鋪咁細我地坐得佢地咁近當然有出聲話，做咩事成日踢張“鄧”， 佢地無一個人有講聲唔好意思，係零反應！ 直到我地寧願逼埋一邊坐， 掉空個位佢地都冇人有反應！！之後落單， 因為MENU有相， 我地就指住張相話：要呢個唔該。個女人眼都冇望一下就係咁問， “要咩野？”我地再指， 佢再唔望又問“要咩野” 重要態度愈來愈差。但我想話佢地D 相冇字寫係下面，又唔係有條線痴住個名！！我地想食芒果見到咪點， 都唔知係芒果布甸，芒果奶凍，定咩野即！！！！駛唔駛咁？好！講下D野食個芒果奶凍只係合格， 如果佢話自己
絕對同意那一個劣評！態度真係超級差！！而野食都只係普通！可能我冇食其他食家寫個D大堆頭DESSERT， 我只係叫左芒果奶凍，法式燉蛋同黑糯米芒果腸粉。（我唔係好記得D名係咪完全正確！）
初初發現呢間野時好開心！因為佢門口貼晒雜誌報導，以為有間隱世甜品店咁近屋企可以成日幫襯 （本人岩岩搬屋），點知！！
我之前外賣過個木糠布甸，勁多木糠， 食到成口都係完全冇布甸我都諗住畀多次機會佢！點知今次堂食之後我決定以後都唔會再幫襯！
首先， 我地坐得好近收銀， 點知張“鄧”係咁俾D職員踢到！踢到直頭要坐過隔離位避佢地！間鋪咁細我地坐得佢地咁近當然有出聲話，做咩事成日踢張“鄧”， 佢地無一個人有講聲唔好意思，係零反應！ 直到我地寧願逼埋一邊坐， 掉空個位佢地都冇人有反應！！
之後落單， 因為MENU有相， 我地就指住張相話：要呢個唔該。個女人眼都冇望一下就係咁問， “要咩野？”我地再指， 佢再唔望又問“要咩野” 重要態度愈來愈差。但我想話佢地D 相冇字寫係下面，又唔係有條線痴住個名！！我地想食芒果見到咪點， 都唔知係芒果布甸，芒果奶凍，定咩野即！！！！駛唔駛咁？
好！講下D野食
個芒果奶凍只係合格， 如果佢話自己係隱世甜品店， 值得有雜誌報導就一定令你失望！
法式燉蛋個“燉蛋” OK， 但個面個層糖係唔脆架！！我平時食會享爛佢，佢係軟既！享唔到囉！
個黑糯米芒果腸粉， 難食！食唔到個芒果有味！好心買得靚少少呀D生果！個“腸粉”真係得粉味！完全唔得！順帶一提， 走個時有個職員拎住個疑似岩岩係華X超市買既西瓜返黎，睇黎佢地等住用，佢地D用料有幾好， 就真係 。。。
因為趕住走 （唔想逗留）結果漏左個袋，個位頭先落單既阿姐係用”喝“既語氣叫我囉！仲要冇一個職員會幫手第（個個睇緊電視）， 我要自己攝番入去個收銀隔離個位度攞。OK， 幫人唔係一定要既．所以我都選擇唔再幫襯。
是次賣單＄114
Post