點點甜 (Closed)

好好味嘅多芒檸檬愛玉凍，香港好似唔多地方有愛玉凍，所以見到有得食好開心！ 一碗材料好豐富，有芒果、椰果、珍珠，底下仲有愛玉凍，加上酸酸甜甜嘅檸蜜汁，整體味道好清新！愛玉凍滑捋捋，質感好好，加埋椰果煙煙靱靱，口感好有層次。另外我哋見到有紫薯心太軟，咁特別當然要試試。隻紫色好靚，亦都食到紫薯味，味道好天然，但係唔會太甜，甜度啱啱好，可惜入面唔流心，切出來完全無漿，明顯焗得太熟，同埋皮焗得唔夠脆，略為失色。