Homeland (東昌街) (Closed)

難得放大假，book 咗去附近東昌街運動場打波，做完運動梗係要食餐好㗎啦！食飽先有力減肥㗎嘛！俾我發現 Homeland 平日晚上有 dinner set 好抵食！晚市套餐一啲都唔簡單，竟然有海鮮桶，一於試吓呢間隱世西餐廳。裝修走輕工業風的路線，充滿色彩，好溫馨的小店，香港人仍然好熱情支持。秘製法式龍蝦濃湯餐湯升級了龍蝦湯，拉花賣相漂亮，味道濃郁，龍蝦湯足料都有小龍蝦肉，口感 creamy 好開胃。蒜蓉包送湯一流。慢煮雞胸凱撒沙律前菜沙律🥗慢煮雞胸肉，非常健康，雞胸嫩滑。海鮮桶主菜就點了海鮮桶，好有新意，好有驚喜。第一次喺呢度食海鮮桶，一嚟到就見到好大隻大頭蝦，3款醬汁我哋就揀左燒烤醬，特別惹味。海鮮桶入面收埋咗好多唔同款式的海鮮，主角大頭蝦、翡翠螺、青口、大蜆，食食吓仲搵到小龍蝦、八爪魚仔，全部海鮮都幾新鮮，好似尋寶咁！仲有好多蔬菜做配料，粟米、西蘭花、薯仔，掛滿汁風味十足，味道同醬汁好夾，值得推介。如果店員可以提供膠手套俾我哋就食得方便啲啦！香城和牛漢堡配薯條🍟香城和牛漢堡叫左 medium ，成熟度煮得恰到好處，牛肉味濃，肉汁爆棚，好好食。配薯條新鮮滾熱辣，粗薯條外脆內軟，份量都