鋒少甜品

Open Now

Now Closed

同友人喺附近飯局之後，想食甜品，呢條街有兩間甜品，我哋就望吓有咩食先決定入邊間。一睇之下，我已經即刻決定咗入呢間，原因係佢有清心丸食。香港唔係好多間甜品舖有清心丸，平時想食，只可以過海去合成甜品。如果呢度好食嘅話，我以後就唔使過海，所以即刻決定入去試。大部份人食清心丸，都係食清心丸綠豆爽，但係我就鍾意食清心丸馬蹄露。一般清心丸配熱嘅糖水食會好啲，但係呢間嘅馬蹄露只有凍食，但係我因為太想食清心丸，所以都照加。的確，如果有熱馬蹄露會更加好，不過唔使過海就有得食，基本上我都滿意