真‧章魚無雙

Open Now

Now Closed

葵廣都有嘅人氣章魚燒店，因為太多人排而未有機會試。今次喺太安樓行過見到唔算太多人，試一試佢哋嘅章魚燒先。-食咗：▪️蜜糖芥末章魚燒/6粒 $33呢排天氣凍咗啲，要食暖笠笠嘅嘢，食章魚燒就啱晒～章魚燒即叫即整熱辣辣（人多有機會要等耐少少）用紙兜裝住，捧喺手掌心，手都暖埋☺️章魚燒重點之一柴魚片，飄飄吓，集中放喺一邊，唔會遮晒啲醬，可以影相先🤣蜜糖芥末款口味偏甜，每粒章魚燒都有兩粒明顯嘅章魚肉，唔會淨係得粉漿。-章魚燒一共14款口味，可揀6/8粒。門口有一張高腳圓枱，可以企喺度食。不過掃街嘅話隨行隨食都得。外賣拎走的話，膠袋加$1。