英記美點小食

Open Now

Now Closed

呢間係我由細食到大嘅舖頭，之前執咗，而家重開喺轉角位。有好多老街坊幫坊，就算住喺慈雲山一帶都會特登過嚟食。呢個舖頭真係好受歡迎，無時無刻都要排隊。招牌潮州粉果 $11/2隻：味道維持到十年前嘅水準。內裡包著香脆花生同爽甜沙葛，粉果嘅外皮非常煙靱，厚度啱啱好，食落去好順滑。魚蓉燒賣 $10/6粒：質感比一般出面嘅魚蓉燒賣好，有少少彈性，唔會太麵粉。不得不提係佢個鼓油，應該係自己調配出黎，無論係配上魚蓉燒賣定粉果都一流。