Video
Read full review
2022-05-28
942 views
童年時住慈雲山，英都燒味可以說是我最愛！無他，因為童年時 佢既燒味係最好味！小弟已搬離慈雲山20年多，偶然經過附近決定再試試！童年印象回憶，英都除了燒味外廚房出品的餸菜只屬一般！入到餐廳，先掃二維碼，再搵位坐見到樓面只有兩位年約40歲的女樓面一腳踏真係好辛苦呢！我坐近廚房位置，看見年紀較大的女待應同廚師又攬又拖手，好曖昧，見到都打冷震.....叫左個叉油雞飯，湯 同 凍奶茶！共55蚊，希望物有所值啦先評論凍奶茶，茶味淡，冇奶味，不合格！再評論 例湯， 淡如水，送既冇乜要求！湯渣全部都係骨頭，d肉去哂邊最後到 叉油雞飯，飯少豉油太多....飯幾有咬口，可惜份量有如兒童餐！再來評論叉燒，冇燶邊，死甜！肉質似一絲絲煲完湯既豬肉渣...（童年時點解會喜歡，可能夠甜掛）再來 豉油雞，有色澤，但食唔到豉油香或其他味，舊舊都係骨多過肉...冰鮮雞黎講肉質還可以接受 ，但整體黎講，同唐順興d雞差唔多！食完叉油雞後，仲有半碟白飯剩，哈哈！難題黎喇，薑蓉又唔夠，點食落去呢！就係呢個時候，隔離枱有對情侶食飯，女食客突然間將成個匙羹內既飯 潑向我...雖然有講對唔住，但我碟飯已經沾有你的口水.....仲有半碟
無他，因為童年時 佢既燒味係最好味！
小弟已搬離慈雲山20年多，
偶然經過附近決定再試試！
童年印象回憶，英都除了燒味外
廚房出品的餸菜只屬一般！
入到餐廳，先掃二維碼，再搵位坐
見到樓面只有兩位年約40歲的女樓面一腳踏
真係好辛苦呢！
我坐近廚房位置，看見年紀較大的女待應同廚師又攬又拖手，好曖昧，見到都打冷震.....
叫左個叉油雞飯，湯 同 凍奶茶！
共55蚊，希望物有所值啦
先評論凍奶茶，茶味淡，冇奶味，不合格！
再評論 例湯， 淡如水，送既冇乜要求！湯渣全部都係骨頭，d肉去哂邊
最後到 叉油雞飯，飯少豉油太多....
飯幾有咬口，可惜份量有如兒童餐！
再來評論叉燒，冇燶邊，死甜！肉質似一絲絲煲完湯既豬肉渣...（童年時點解會喜歡，可能夠甜掛）
再來 豉油雞，有色澤，但食唔到豉油香或其他味，
舊舊都係骨多過肉...冰鮮雞黎講肉質還可以接受 ，但整體黎講，同唐順興d雞差唔多！
食完叉油雞後，仲有半碟白飯剩，哈哈！
難題黎喇，薑蓉又唔夠，點食落去呢！
就係呢個時候，隔離枱有對情侶食飯，女食客突然間將成個匙羹內既飯 潑向我...雖然有講對唔住，但我碟飯已經沾有你的口水.....
仲有半碟飯食剩唔想食...幸好隔離枱條女幫我解決！
最後極速擺底55蚊走人，一肚氣！
雖然唔知佢憑乜野可以賣55蚊咁貴
呢一餐30蚊都比多佢！
同屯門果間玉林苑相比，論味道及價錢，真係差10萬倍！
但最少比我知道，童年既回憶終於破碎了！
再見喇，英都燒味餐廳
Post
