嘉頓咖啡店

Open Now

Now Closed

又返黎深水埗黃金， 買完野去左嘉頓咖啡店食下午茶。 呢到下午茶唔算平，平均都4，50蚊1個餐， 但都唔少人幫襯， 因為真係好坐， d位又闊落。2個人叫左2個set加2件蛋糕。咸批： 係菠菜煙肉批跟餐， 菠菜煙肉批除左係starsbuacks 同Pacific coffee, 其實其他地方好少見到有得賣。賣相幾靚，批底薄餡多， 仲有d沙律菜係伴碟。另1個叫左松露炒蛋跟肉桂卷：個炒蛋上面唔算多松露， 但食落就好香松露味。個肉桂卷唔係美式個種有icing 同甜到膩既感覺， 反而係外脆內軟帶少少肉桂香。跟餐飲品再叫左2個蛋糕。黑森林蛋糕： 係相都睇得出個cream好薄， 最鍾意呢d舊式蛋糕， 唔似美心咁， 1半都係cream。 內餡有車厘子肉同啫喱， 好懷舊。藍莓蛋糕： 上面個層莓醬好正， 酸酸甜甜， 而且好多藍莓粒。2件蛋糕都好濕潤好好。埋單2個人141蚊， 下午茶呢個價唔算平， 但我地真係食左好多。食完下面仲有嘉頓餅， 麵包可以買走。成個黑森林蛋糕都可以打包走。