嘉頓咖啡店

Open Now

Now Closed

今日特登去咗深水埗嘉頓門市！百年老字號翻新重開超驚喜呀！今次嘉頓門市（深水埗益街坊店）以全新面貌示人，繼續帶比大家最愛嘅餅乾麵包！呢間1926年已經開業嘅老字號，一直都係香港人嘅集體回憶！紅色罐裝嘅嘉頓什餅，陪伴咗幾代香港人成長！開幕限定仲有萬花捲同藍白格仔帆布袋（我哋去果陣已經冇），無論係新舊嘢食都值得一試！店內必試推介：🥐芝士火腿牛角酥($40)：外脆內軟，啖啖芝香！🫖香橙榛子伯爵茶士杆餅($22)：茶香濃郁，榛子香脆！☕️Americano：凍熱都有（熱$30/凍$40）🌟🌟🌟🌟🌟🌟🌟🌟🌟🌟🌟🌟打卡貼士：❤️早上開門最岩，貨品最齊全💚記得買返罐嘉頓什餅懷舊下💛建議預多啲時間排隊，開業優惠好多人Rating：懶惰鼠😻😻😻😻懶惰虎🤩🤩🤩🤩

嘉頓麵包應該係陪住每個香港人長大，但我諗大多數人見到既嘉頓麵包都只係在超級市場或者便利店內貨架上，已經包裝好既麵包。最近知道原來可以去深水埗門市買新鮮製作既麵包，身為麵包控既我，當然要抽空去買黎試一試啦！呢個農夫酸種包，有驚喜喎，未開袋已經聞到好香，做早餐一流！

終於幫到轉工之後要去嘉頓食飯的朋友，仔細搜嘎了一番，尋寶似的揀選了必食嘅餸色！剛到門口已經聞到一陣陣飄香，心諗：今次必定要食得開心啲！點了份熱狗🌭和薯條，真係食到手停口唔停！薯條金黃酥脆，啖啖都是滿足感；而熱狗堅真係得意，香腸咬落去彈牙得滯，配上嘅番茄醬同芥末醬，口感層次分明，甜咸適中！至於甜品，黑森林蛋糕🍰簡直係味蕾嘅小確幸！鬆軟的蛋糕夾着滑溜奶油同豐富黑莓，食落去層次分明，甜而不膩，令人一啖接一啖！而家嘅味道，已經唔止於單調！加上同行者嘅葡撻，外皮脆卜卜，奶味香濃，冇得輸！Cafe格仔紙杯，亦都是一個靚仔！响呢度食嘢，唔使擺大枱，都可以食得港式地道，心情靚晒！總之呢度，食得開心，食得滿足，下次仲想再嚟！👍🏻

行深水埗，順便去左嘉頻麵包的餐廳食下午茶，可惜不准拍攝，只能以相代片。煙三文魚牛角包，牛角包很香脆，煙三文魚的煙熏味欠缺，薯條炸得唔夠。另外，還點了一款米線及甜品，米線是吉列豬扒喇沙，微辣偏甜，豬扒偏薄，炸得比較乾身，米線正常。環境新淨，設計簡單，有一點昔日香港餐廳少少的影子。套餐除了有飲品，還可以加十五元加一件原味芝士蛋糕，味道簡單，不甜，有微微果酸，消膩。嘉頓咖啡店 (深水埗)深水埗青山道58號嘉頓烘焙中心地舖Da&Mi指數:1.5/3價錢：122元

又返黎深水埗黃金， 買完野去左嘉頓咖啡店食下午茶。 呢到下午茶唔算平，平均都4，50蚊1個餐， 但都唔少人幫襯， 因為真係好坐， d位又闊落。2個人叫左2個set加2件蛋糕。咸批： 係菠菜煙肉批跟餐， 菠菜煙肉批除左係starsbuacks 同Pacific coffee, 其實其他地方好少見到有得賣。賣相幾靚，批底薄餡多， 仲有d沙律菜係伴碟。另1個叫左松露炒蛋跟肉桂卷：個炒蛋上面唔算多松露， 但食落就好香松露味。個肉桂卷唔係美式個種有icing 同甜到膩既感覺， 反而係外脆內軟帶少少肉桂香。跟餐飲品再叫左2個蛋糕。黑森林蛋糕： 係相都睇得出個cream好薄， 最鍾意呢d舊式蛋糕， 唔似美心咁， 1半都係cream。 內餡有車厘子肉同啫喱， 好懷舊。藍莓蛋糕： 上面個層莓醬好正， 酸酸甜甜， 而且好多藍莓粒。2件蛋糕都好濕潤好好。埋單2個人141蚊， 下午茶呢個價唔算平， 但我地真係食左好多。食完下面仲有嘉頓餅， 麵包可以買走。成個黑森林蛋糕都可以打包走。

嘉頓都算陪著我成長，細細個都好鐘意朱古力手指餅。今次唔打唔撞黎朝聖。同朋友叫咗綿花糖朱古力tart。食之前按建議叮咗15秒。食落去，綿花糖半溶，成個tart 口感好空虛，冇咩嘢咬，得tart底個朱古力餅底。另外，亦因爲半溶形態，特別甜。我本身ok食得甜嘅，所以仲接受到。咖啡店仲有好多甜品、蛋糕好吸引。下次經過都會再食，價錢又實惠。Tiramisu 等我呀。

嘉頓是香港老牌的麵包餅乾公司，之前到2樓的嘉頓餐廳吃午飯，侍應說若成為會員，吃飯有折扣優惠，所以做了會員。我和老公都是這個月生日的，收到電郵，說送我們蛋糕和飲品。不過這生日禮遇是在地面那嘉頓咖啡店享用的，這我們才發現，原來同一建築物內還有這咖啡店。在進入咖啡店前，先會走過一條介紹嘉頓產品的展覽走廊。走進咖啡店後，發現環境不錯，有舒適的座位，另外也發售嘉頓的產品。向店員換領了蛋糕和飲品。我們點了一件檸檬白酒芝士蛋糕和一件意大利芝士蛋糕，另點了凍鮮奶和熱奶茶。蛋糕的水準一般，不過這是給會員的生日例如，挺窩心的。

今日又要泥深水埗做野，想唔洗排隊又坐得舒舒服服，選擇好似唔太多好彩醒起可以泥呢度食野環境港式懷舊奶茶冇乜特別，咖啡好味d，幾香滑，又唔會好苦好甜喇沙湯底好香濃炸豬扒份量正常，唔算厚，但唔肥，炸得岩岩好，好脆D意粉算幾幼，但未到angel hair甘幼，唔冧，蕃茄味幾濃幾入味，甜酸適中最後附上您最期待既餐牌如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

香港地尺金寸土，餐廳都是枱枱相連的，但嘉頓餐廳內的闊落擺設，是很少有的。食物和價錢都合理。午餐88蚊。有麵包、餐湯、主菜、茶、甜品。懷舊。舒適。建議先訂枱。我今天吃的是無汁德國咸豬手，我本以為是切幾片，怎料是全隻的，大大份。

因為帶小火子去深水埗試堂，無意中發現了這間☕️嘉頓咖啡店☕️好奇走了進去逛逛，店內除了有嘉頓的麵包蛋糕售賣外🥖🍰還有座位供人坐下喝咖啡吃蛋糕🧡我就在這裡悠閒地消磨了一個小時☺️芝士蛋糕香濃，咖啡也好喝，套餐只盛惠$35，好抵🤩到小火子落堂時，當然要再帶他再來一敞吃他愛的蛋糕🍰大家有留意我之前特別為自己挑選了一件小蛋糕嗎？因為我以爲要幫小火子吃他的蛋糕，但他竟獨個鯨吞整個忌廉蛋糕🎂🙄（對！我是說已吃過了😌）這個忌廉蛋糕，一定也很好吃吧😆咖啡廳內還有小型的展覽，如果大家去開深水埗，可以帶小朋友去吃吃蛋糕啊！其實嘉頓咖啡店樓上還有嘉頓餐廳，上次我就很想知道到底嘉頓的hightea長怎麼樣而拜訪，大家想知道嘉頓hightea的廬山真面目嗎😆

諗住嘉頓中心拆前黎試試，食個下午茶，之後順便上嘉頓山。有分餐廳同咖啡店，上層就餐廳，地下就咖啡店，而入面比想像中大，仲會有好多嘉頓出品嘅各類零食麵包買，而價錢同出面差唔多。藍莓芝士蛋糕+咖啡 $35原本以為中間白色個層會好似紐約芝士蛋糕咁實淨，但原來係軟身慕絲黎，不過整體都不過不失。咖啡就普普通通，最滿意係個經典藍色格仔紙杯黑朱古力蛋糕 $25朱古力味好濃，真係啖啖食緊朱古力咁，但食多幾啖就覺得好膩。要留意堂食有最底消費，每人二十五蚊。

香港人有邊個未食過，未聽過嘉頓麵包？生命麵包，忌廉賓，時時食，手指餅，嘉頓什餅....。咁深水埗有個嘉頓麵包廠，大家都知。不過係呢間廠裡面竟然有個咖啡室同一間餐廳，我就真係唔知啦。廠房後面仲有座嘉頓山，可以睇日落睇夜景，我就更感惊訝。因為要上嘉頓山睇夜景，所以未能試餐廳食品(餐廳6點先開始晚市)。咁就試咖啡室啦。哩度亦係產品陳列，好多餅你宜家已唔食，但見到又鈎起你童年回憶。好懷舊。仲係用好舊收銀機。來到嘉頓，緊係食個包，飲杯茶啦！麵包和蛋糕味道一般，朱古力就太重奶味。咖啡比宜家好多餐廳的即磨咖啡差。不過懷舊的回憶赢晒！(後記：嘉頓山夜景好有惊喜。繁華鬧市中的一處好地方。寫食評都忍不住加两幅相)

今日eatmug9 #11平時行開深水埗都冇為意，依棟嘉頓嘅大廈嘅地下竟然有個有間 coffee shop。 咁呢個coffee shop隔離，就有一個exhibition area 就係介紹返嘉頓出過嘅食品嘅歷史，食之前都不妨去參觀一下～依度就免費入場嘅，唔會阻你好多時間，一兩分鐘就睇得曬睇得曬成個嘉頓嘅歷史 lol 題外話唔講咁多講番個嘢食先，咁就嗌咗個椰撻加杯牛奶，價錢唔係都唔算話平呀都要成三十蚊， 係個椰撻勝在夠新鮮， 同埋個環境都算靜嘅。 如果係附近行街行得攰可以過嚟嘆個high tea

The cakes and pastries here are really good depending on what you choose!!!Got the apple pie and spinach onion scone.Apple Pie:This was horrible, it wasn't really apple pie filling in the middle but some weird paste with a few pieces of apple and raisins.The taste was too sweet.Next was the scone which I have always wanted to try.Again it was just sweet and there wasn't any savoury taste to it!

嘉頓真係陪住香港人成長既地方，任何人都食過嘉頓生命麵包，忌廉賓，蛋卷，餅乾做早餐。今次好特別，可以食到新鮮出爐麵包，環境唔錯，不過坐位較少。難得有位，即刻買嘢食嘢飲坐低休息下。原來麵包可以叫佢翻熱好貼心服務可能唔多人，員工服務都好親切，餐牌裝修等都好簡單。菠菜洋蔥士干餅味道好特別，好有洋蔥味，菠菜味道都好強，翻熱咗暖暖地幾好味，但質地好乾，要飲咖啡濕下個口。友人食提子乾鬆餅(其實俾麵包質地)，麵包好鬆軟好似牛角包咁。咖啡奶茶味道一般，勝在環境遊閑，旁邊放咗嘉頓產品，鈎起好多童年回憶又近鴨記黃金，行完街過來食下午茶簡直一流