來佬餐館 (Closed)

相信「豉油西餐」係好多人嘅集體回憶，我都唔例外。好耐都冇食過呢種香港獨有嘅味道，呢種中西合璧嘅西餐，只有香港先嚐得到。來佬呢個名一直都有聽過，但到而家先第一次試。餐廳適逢11週年，推出11道菜慶祝套餐，menu望落好多嘢食，都吸引同覺得啱食，就一於book晚餐時間嚟食。套餐包咗兩杯特飲，揀咗巨峰提子梳打，上面加咗cream同七彩朱古力，呢種組合真係香港嘅豉油西餐廳先有😜頭盤有六小碟，其實唔小，食完都飽飽地。個人喜歡黑毛豬叉燒，一口海南雞飯，同蝦多士。叉燒夠冧，海南雞滑，蝦多士一口bite size好香脆。湯有黑松露蘑菇湯同豉油西餐必備嘅「紅湯」羅宋湯，「白湯」就正常發揮，而羅宋湯就偏辣少少，個人喜歡蘑菇湯多啲。主菜揀咗法式牛柳伴鵝肝忌廉焗千層薯，同燒西班牙橡果級黑毛豬。焗千層薯好食之餘，值得一提嘅係，伴碟嘅zucchini同蘿蔔都切成咗需要技巧同好靚嘅tournèe cut. 豬扒似係梅頭肉，食落爽口唔嚡，襯埋豬扒嘅經典好拍檔蘋果蓉，非常好食，可惜食到呢度已經好飽，難怪每上完一道菜侍應都問需唔需要抖下先上下道菜😂因為份量都真係幾多。嚟到經典豉油西餐甜品-火焰雪山🔥🏔️基本上都正常發揮，比