老夫子港式餐廳 (Closed)

去九展睇完戲，諗住搵間餐廳食晏醫肚仔，就發現老夫子做主題嘅餐廳，童年回憶當然入去試試。店入面有老夫子公仔，茶餐廳風味，環境舒適，可坐低慢慢食，食完坐底傾計都冇人趕你走。我叫左個柱侯牛筋腩麵套餐跟凍檸茶，牛腩好入味，麵好彈口。而友人就叫左個海南雞飯套餐都係跟凍檸茶，係無骨海南雞，方便我地啲懶人食，仲搵左個搵左個小煎pan裝，好特別～配上油飯好甘香，跟餐仲有爽口酸辣嘅青瓜同一碗湯，好豐富！我地仲叫左脆皮燒腩仔，半肥瘦嘅腩肉，一咬好有肉汁，配上好香口嘅脆皮，正！以主題餐廳黎講，呢間價錢算抵，夠一人食嘅份量，值得黎打卡影下相。