操場小食部 (Closed)

今日去中環大館玩，見到呢間小食店，好過癮又盞鬼！好多懷舊遊戲擺設😺吸引左我過去睇。個名仲好有童年回憶，諗起讀書時期，成日都好期待放小邊，落去操埸小食部食野醫下肚仔🤭🤭呢間小食部好多野食選擇，當然質素好過學校小食部好多啦😹全部都即叫即炸，夠哂熱辣辣，炸到夠哂脆。我地叫左幾款小食開心share!每款小食都可以自選調味醬料，多幾款口味👍👍椒鹽炸雞脾🍗邪惡又好味！炸到個皮金黃香脆，好正。夠哂入味，雞脾肉夠哂嫩滑，啖啖肉呀！滑滑腸粉 ，食落似茶樓既蝦米🦐腸咁。好香滑，加埋甜醬麻醬既完美組合，無得頂！大大粒墨魚丸，揀左椒鹽咖哩醬😋😋又幾咁彈牙又來口，咖哩醬夠哂惹味呀。由於雞脾好味道，仲想食，所以再叫左炸雞翼😋都一樣炸到咁香脆！食到大家都好滋味呀😄😄