点心代表 (Closed)

嘩！竟然係百變小櫻啊！童年回憶返晒黎。雖然小姐唔知什麼事百變小櫻，但係佢見到啲點心咁靚都非常之開心食得好滋味。有好多款特色嘅百變小櫻magic咭點心選擇，而且每一款都非常之精美，真係好難抉擇。我哋樣樣都叫啲嚟試吓，要映相啊！ 蒸蝦腸有晒五個主角，真係好靚，食每一件都咁開心。腸粉好滑，每一件腸粉入邊都有一隻大蝦。粉紅色嘅蝦餃有櫻花喺上邊，裏面又係有大大隻蝦肉。 原味燉椰皇，都有櫻花喺面，外型做得好靚，椰皇燉蛋白又香又甜。炸春卷炸得好香脆，裏面都有好多蝦膠，每一條春卷都插左一個主角小帺，小姐喺度收集嗰啲旗仔非常興奮。