HeSheEat (綠楊坊) (Closed)

太座話要去荃灣買衫，柴可夫嘅我為有由沙田車佢出去，風頭火勢左兜右兜安全到達，買完衫搵地方醫肚，綠楊坊都好多嘢食，行到G層近港鐵站有間餐廳幾多人等位，望吓餐牌有個漢堡，個仔比卡豬已經大叫食Hamburger，入去試吓啦!隔離枱有幾個靚女食緊墨魚汁意粉，佢地話好好食，我地都叫一碟先，原來火辣墨魚汁意粉都有幾款，最後決定叫扒虎蝦，蝦肉彈牙，意粉都唔錯，食到成家人個咀烏卒卒；三重芝士大磨菇黑松露牛肉漢堡，配田園沙律再加配薯條，牛肉好厚好有牛味，磨菇超好食，最估唔到係薯條，係我未食過咁好味道，唔識形容嗰種脆；仲叫咗單骨蜜糖芥末雞翼，最緊要熱辣辣加上惹味醬汁，好味!呢度有奶昔，真係唔係度度有，我叫咗香蕉拖肥奶昔，奶昔係我童年回憶，好感動，香蕉味濃濃，下次再試吓其他幾款奶昔先得