時新漢堡飽 (Closed)

每個人都有童年不能忘記既小食快餐店，係我記憶入面絕𣎴能忘記既一定係紅磡既時新漢堡包。再次重開既時新漢堡包就開係紅磡既黃埔天地家居庭地下，黃埔站c岀口，行大概5分鐘左右，再次黎到充滿回憶既時新當然要叫佢既招牌漢堡包啦。雙層漢堡芝士蛋包 $33經典既雙層漢堡芝士蛋包配上祕製沙律醬，完美既組合就係咁樣誕生左，無食咁多年，味依然有水準，較綿既面包配合味道香濃既芝士漢堡扒，真心無得輸。雙層漢堡芝士蛋包炸魚扒 $25另外再叫一份炸魚扒，薄而脆既炸皮入要係juicy既魚柳，香口而又不覺得油膩，沾上一點沙律醬，口味就更有層次。保留原有水準，而且價廉物美，一再推介既經典口感。