Video
Read full review
2021-03-31
69 views
杏花新城除了有得平民化式shopping，商場入面仲有好多餐廳可以選擇，今晚路過見到一間裝修充滿童話夢幻氣氛嘅西餐廳＜Cafe Paradise ＞，門口餐牌食物選擇多，意粉、飯類、扒類、套餐都有，而且價格非常親民，$78起仲有石燒牛扒，不禁被此Cafe深深吸引，當然要試下新野啦!!~<香茅豬扒配白咖哩汁飯 $78>先來晚餐Set dinner，餐湯是粟米忌廉湯，湯入面有粒粒粟米粒，非常creamy幼滑。餐前沙律菜新鮮爽口。香茅豬扒煎得夠香，香茅味道特出，味道亦夠惹味，而且豬扒肉質鬆軟不鞋口，配埋微甜香口白咖喱汁，送飯吃一流。跟套餐還可以加$10要其它小食，我地加左炸蝦餅，蝦餅肉入口彈牙美味，值得一試。<美國頂級穀飼牛肩胛肉眼扒 $78>呢個美國頂級穀飼牛肩胛肉眼扒非常抵食，$78就已經有200g，而且仲要係石板燒甘上，可以自己控制熟度，想燒幾成熟，由自己話事。另外衹需要加$30，仲可以轉套餐，有餐湯、沙律、甜品及飲品，真心抵食。肉眼扒燒完非常美味，牛肉味濃，亦帶有肉汁，牛扒厚得來亦夠嫰，配埋燒汁及意粉，非常好食。甜品本身配啫喱，我哋upgrade左真中
<香茅豬扒配白咖哩汁飯 $78>
先來晚餐Set dinner，餐湯是粟米忌廉湯，湯入面有粒粒粟米粒，非常creamy幼滑。餐前沙律菜新鮮爽口。香茅豬扒煎得夠香，香茅味道特出，味道亦夠惹味，而且豬扒肉質鬆軟不鞋口，配埋微甜香口白咖喱汁，送飯吃一流。
跟套餐還可以加$10要其它小食，我地加左炸蝦餅，蝦餅肉入口彈牙美味，值得一試。
<美國頂級穀飼牛肩胛肉眼扒 $78>
呢個美國頂級穀飼牛肩胛肉眼扒非常抵食，$78就已經有200g，而且仲要係石板燒甘上，可以自己控制熟度，想燒幾成熟，由自己話事。另外衹需要加$30，仲可以轉套餐，有餐湯、沙律、甜品及飲品，真心抵食。肉眼扒燒完非常美味，牛肉味濃，亦帶有肉汁，牛扒厚得來亦夠嫰，配埋燒汁及意粉，非常好食。
甜品本身配啫喱，我哋upgrade左真中一個做心太軟。心太軟係即叫即做，朱古力味非常濃郁，入面嘅朱古力漿仲係又熱又暖心，配埋雲呢拿雪糕，一冷一熱，口感一流，非常好味。
飲品要了凍奶茶及忌廉碎曲奇咖啡沙冰(加$15)，呢道嘅飲品都幾大杯，而且味道亦不會過甜，抵讚！～
整體來講，餐廳環境坐得非常舒服，而且位同位之間都夠曬闊落，餐廳食物質素不錯，價錢亦非常親民，絕對抵食。另外餐廳服務員亦非常有禮，上菜快，服務質素不錯，值得推薦呀！
Post
