洪記士多 (Closed)

端午節放假一天，小妮子與太座都想去海灘，莫非想睇龍船？咁！要去赤柱！原來唔係想睇龍船，只想吹吹風，為了避免擠迫，結果去了石澳。去到石澳，一樣咁多人，出沙灘前，差不多每次都先來天后廟前的士多吃碗麵。這路邊小檔已有多年歷史，每逢假日更是捧場者眾，今天很多材料都沽清，燒鴨，雞翼等。我們點了兩樽大可樂，韭菜餃麵，牛腩粗和一碟生菜。可能生意實在太好，約等十多二十分鐘才有食物，韭菜餃麵不錯，韭菜餃包得精緻和五官端正，韭菜香味與豬肉亦很匹配，麵條不是竹昇麵，但也收貨，太座讓我嚐一、兩件牛腩，略嫌太精瘦，牛筋則腍滑，生菜面已淋腩汁，對素食者則要小心。坐在沙灘上享受涼風，看看風景，然後來個小睡，人生快事也。