Video
Read full review
2021-05-17
85 views
行經元朗見到間有露天餐桌嘅日本餐廳，覺得好寫意而且餐廳環境唔錯，決定試試佢！做好安心出行同埋量好體溫就入座了。叫左個壽司拼盤，當中包括左有三文魚、鮮帶子、油甘魚、北寄貝、皇帝蟹棒、加州卷同埋碎蔥吞拿魚腩蓉手卷。壽司嘅材料取材新鮮，當中三文魚同埋油甘魚油脂分布均勻，食落口相當滿足，鮮帶子同埋北寄貝就相當鮮甜，而最令我驚喜嘅就係皇帝蟹棒壽司，利申本人係麻麻地食蟹柳，但呢個皇帝蟹棒肉質非常鮮甜而且多汁，咬落好亦見到內裏肉質分明，口感嘅層次亦從而提升，配埋面頭嘅沙律醬簡直冇得頂！軟殼蟹手卷亦都非常值得一試，軟殼蟹炸得香脆可口，而且大隻到食到落底都仲有軟殼蟹，再者手卷嘅其他配料亦都十分之多，令手卷口感更加豐富！仲有個拼盤都好吸引，叫做豐盛珍寶揚物藍，當中既炸物包羅萬有，有吉列蝦、芝麻雞翼、明太子雞翼、芝士年糕、炸蝦餅、吉列蠔同埋北海道流心芝士薯餅。全部炸物都係新鮮炸完就上枱，香脆可口之餘啲炸粉亦都唔厚。當中既芝士年糕芝士味重，而年糕煙韌唔黐口，芝士同年糕之間口感分明，真係極之好食！明太子雞翼用既係辛明太子，帶少少辣，餡料豐富，亦同雞翼十分匹配！仲有就係流心芝士薯餅都好食，薯餅打爛至薯蓉再夾上芝士
叫左個壽司拼盤，當中包括左有三文魚、鮮帶子、油甘魚、北寄貝、皇帝蟹棒、加州卷同埋碎蔥吞拿魚腩蓉手卷。壽司嘅材料取材新鮮，當中三文魚同埋油甘魚油脂分布均勻，食落口相當滿足，鮮帶子同埋北寄貝就相當鮮甜，而最令我驚喜嘅就係皇帝蟹棒壽司，利申本人係麻麻地食蟹柳，但呢個皇帝蟹棒肉質非常鮮甜而且多汁，咬落好亦見到內裏肉質分明，口感嘅層次亦從而提升，配埋面頭嘅沙律醬簡直冇得頂！
軟殼蟹手卷亦都非常值得一試，軟殼蟹炸得香脆可口，而且大隻到食到落底都仲有軟殼蟹，再者手卷嘅其他配料亦都十分之多，令手卷口感更加豐富！
仲有個拼盤都好吸引，叫做豐盛珍寶揚物藍，當中既炸物包羅萬有，有吉列蝦、芝麻雞翼、明太子雞翼、芝士年糕、炸蝦餅、吉列蠔同埋北海道流心芝士薯餅。全部炸物都係新鮮炸完就上枱，香脆可口之餘啲炸粉亦都唔厚。當中既芝士年糕芝士味重，而年糕煙韌唔黐口，芝士同年糕之間口感分明，真係極之好食！明太子雞翼用既係辛明太子，帶少少辣，餡料豐富，亦同雞翼十分匹配！仲有就係流心芝士薯餅都好食，薯餅打爛至薯蓉再夾上芝士炸脆，口感外脆內軟，甜甜既薯蓉加上流心芝士，十分邪惡！
最後仲叫左個月見醬油牛肉丼，熱熱既石鍋裝住牛肉飯，石鍋邊既飯燒至有飯焦，而飯上既牛肉份量多再加上有隻流心蛋，將所以野搞伴再食，口感豐富，而且醬汁味濃，岩晒我呢啲重口味人士！
賣單既時候店員仲向我地介紹佢地鋪頭逢星期六日同埋公眾假期既晚上會有拍賣祭，在場食客可以以競價形式搶購由餐廳提供既魚生，呢個玩法幾得意，好似去左日本啲魚市場咁，得閒一定會再去試！
Post
