凱泰船屋 (Closed)

今朝一早去開黃大仙附近做野，去到中午時分見餓就去附近的竹園街市搵食。兜左個圈，最後被凱泰船屋的menu吸引，有海南雞，船麵，泰式咖喱飯，泰式豬手飯等泰式野。對於我有少少選擇困難症嘅人來講，樣樣都好想食😋佢地的午餐套餐都幾抵，但我最後單點個香茅豬扒飯試試。我大概等15分鐘，個香茅豬扒飯來到時見個賣相唔錯，豬肉本身有厚度，味道都幾正宗，以38蚊來講算抵食。重點係有我鍾意的香茅味😊對於女仔來講份量有啲多，下次要記得提佢地少飯。我見佢地晚市有串燒，好似幾抵食，下次同朋友過來試下！