新南苑雞煲小菜點心 (Closed)

去朋友屋企後要搵地方開餐，今次就揀咗喺屋企內嘅餐廳！位於竹園商場內嘅小店，真係唔係街坊都唔識去搵食！味道可以媲美炒小菜鋪頭，加上食物選擇眾多，有齊小炒、雞煲同酒樓點心，係值得一試嘅餐廳！🌟酸薑蕎頭咕嚕肉平時食得普通咕嚕肉多，有埋酸薑蕎頭嘅版本都係第二次食！酸薑蕎頭嘅酸辣味頗明顯，而咕嚕肉脆漿算係幾脆，肥瘦適中，唔似平時淨係得多瘦肉。醬汁係拔絲嘅質地，係小炒餐廳都未必搵到嘅質素。🌟XO醬炒西蘭花帶子帶子大概有5-6粒，Size都算係幾大粒，鮮甜冇腥味。XO醬就唔算太濃味，西蘭花🥦質感剛剛好，唔會太爽/腍身。🌟咸檸海鮮炒飯海鮮炒飯食得多，但係咸檸檬🍋配炒飯就真係第一次食！咸檸檬切得幾碎，少少🤏咸/酸/澀味，配埋蝦、帶子嘅咸鮮，同埋脆米飯粒，口感豐富幾得意！🌟黃金一口豆腐一口豆腐外層炸衣非常薄，豆腐嫩滑重豆香，係一口接一口嘅節奏😆。