居廬 (Closed)

平日好少去土瓜灣，咁岩放低架車係十一街換油，等緊無野做就去左搵野食。餐廳座位寬敞，感覺都好舒服。香煎美國牛肉漢堡配竹炭包最近好鐘意叫漢堡，貪佢份量十足。呢個漢堡既竹炭包有輕輕烘過，中間既牛肉漢堡夠厚身，而且煎得好香，焦香既外層，咬落去仍然充滿肉汁，美中不足係蕃茄同生菜唔夠新鮮，而且薄薄一片，份量太少，欠缺左清新既感覺。食埋旁邊既薯條，再飲杯咖啡，心靈好滿足，咁又過左一個星期六既下午。