Video
Read full review
2018-05-01
60 views
同事介紹過話呢間幾抵食，放工就約友人黎食。八點到唔使等位，坐左喺出面，暗啲同闊落啲。間野一半係餐廳一半係眼鏡鋪，其實唔係好放到好多張枱。成個佈置都好歡樂，入到去個人都會開心埋。前菜叫左黑醋意式沙律，友人好鍾意食黑醋沙律，話食完好開胃喎。我就冇話鍾情邊種沙律，叫左咪食幾啖。不過黑醋係好過其他醬，冇咁膩同開胃啲。友人唔鍾意飲凍野，於是叫左日本甘栗焙茶。聽個名就知好飲，港人對日本野係有偏見，仲要係焙茶，實冇得輸。果然，未飲已經聞到好香，飲落好香焙茶味，仲有少少甘栗味，好解膩。我就鍾意飲凍野，叫左個士多啤梨沙冰。唔係好甜，同埋唔係假嘅士多啤梨味，啲冰又搞到好沙，係唔錯，飲完一啖會想再飲。主菜叫左五成熟肉眼扒同豬肋骨。個肉眼扒跟薯菜，同有兩個醬可以點。我食扒類都唔係好點醬，皆因想食肉嘅原汁原味。友人就話兩個醬都好味，佢就輪流點。肉眼扒幾juicy，不過有少少韌......個ribs都係跟薯菜，要重點推介個薯條！熱辣辣，炸到好香，外脆內軟，超級好食，同埋一定要趁熱食，食完先慢慢嘆個ribs。兩個主菜都有沙律，早知前菜叫第二樣，可以試多啲。個ribs略嫌有點乾，不過個醬好味同好大份，都幾抵食。最後，
前菜叫左黑醋意式沙律，友人好鍾意食黑醋沙律，話食完好開胃喎。我就冇話鍾情邊種沙律，叫左咪食幾啖。不過黑醋係好過其他醬，冇咁膩同開胃啲。
友人唔鍾意飲凍野，於是叫左日本甘栗焙茶。聽個名就知好飲，港人對日本野係有偏見，仲要係焙茶，實冇得輸。果然，未飲已經聞到好香，飲落好香焙茶味，仲有少少甘栗味，好解膩。
我就鍾意飲凍野，叫左個士多啤梨沙冰。唔係好甜，同埋唔係假嘅士多啤梨味，啲冰又搞到好沙，係唔錯，飲完一啖會想再飲。
主菜叫左五成熟肉眼扒同豬肋骨。個肉眼扒跟薯菜，同有兩個醬可以點。我食扒類都唔係好點醬，皆因想食肉嘅原汁原味。友人就話兩個醬都好味，佢就輪流點。肉眼扒幾juicy，不過有少少韌......
個ribs都係跟薯菜，要重點推介個薯條！熱辣辣，炸到好香，外脆內軟，超級好食，同埋一定要趁熱食，食完先慢慢嘆個ribs。兩個主菜都有沙律，早知前菜叫第二樣，可以試多啲。個ribs略嫌有點乾，不過個醬好味同好大份，都幾抵食。
最後，叫埋個心太軟作結。熱辣辣加埋流心朱古力，好好食。好香濃嘅朱古力味，加埋凍冰冰嘅雪糕，好正！😝😝
Post
