Video
Read full review
2017-04-02
215 views
這間火鍋店位置幾隔涉，由佐敦地鐵站行十五分鐘才到。湯底有幾款揀，雖然招牌湯底火焰醉鵝要每位加收二十元，但一場來到，冇理由唔試試。先上前菜，有芝麻手撕雞粉皮，味道麻麻；麻辣木耳，我唔食麻辣的，唔知實際味道如何，朋友就說好味道。喜歡這裡飲品任飲，有樽裝汽水，另外這店嘅柑桔檸檬可樂沙冰非常好飲，雖然佢只係加冰而唔係沙冰。鵝鍋有好多配菜，店員很細心，叫我們預備好相機影相，因為他跟住就將酒倒進鍋，然後點火，火光紅紅，燒一會後就加湯，開始打邊爐。鵝肉份量少，每人約吃得四小件，味道不特別，反而配菜中嘅菇類，吸收了酒味。最吸引係哩碟海鮮拼盤，包括有每人一隻新鮮細龍蝦，有一隻仲有小小羔的。龍蝦比較細隻，但夠鮮味。生蠔係流浮山的，夠新鮮，有蠔味，每人兩隻。沙巴龍躉夠厚肉，好有膠質，好味道。鑽石蜆每人兩隻，冇沙，味道鮮甜。鮑魚每人一隻，都係新鮮。白蝦送上枱時仍未死的，夠晒新鮮，肉質彈牙。本地手切牛頸脊，好有牛肉味。即炸魚皮每人一大件，即炸響鈴每人有兩件，味道一般。另外有蝦膠釀鮮冬菇、鴛鴦蝦滑魚滑、鬼馬油條、黑松露芝士粟米餃，黑松露餃充滿黑松露嘅味道，較為有特色，其他味道一般。最有驚喜係最尾時送上嘅甜品：意大
湯底有幾款揀，雖然招牌湯底火焰醉鵝要每位加收二十元，但一場來到，冇理由唔試試。
先上前菜，有芝麻手撕雞粉皮，味道麻麻；麻辣木耳，我唔食麻辣的，唔知實際味道如何，朋友就說好味道。
喜歡這裡飲品任飲，有樽裝汽水，另外這店嘅柑桔檸檬可樂沙冰非常好飲，雖然佢只係加冰而唔係沙冰。
鵝鍋有好多配菜，店員很細心，叫我們預備好相機影相，因為他跟住就將酒倒進鍋，然後點火，火光紅紅，燒一會後就加湯，開始打邊爐。鵝肉份量少，每人約吃得四小件，味道不特別，反而配菜中嘅菇類，吸收了酒味。
最吸引係哩碟海鮮拼盤，包括有每人一隻新鮮細龍蝦，有一隻仲有小小羔的。龍蝦比較細隻，但夠鮮味。生蠔係流浮山的，夠新鮮，有蠔味，每人兩隻。
沙巴龍躉夠厚肉，好有膠質，好味道。
鑽石蜆每人兩隻，冇沙，味道鮮甜。
鮑魚每人一隻，都係新鮮。
白蝦送上枱時仍未死的，夠晒新鮮，肉質彈牙。
本地手切牛頸脊，好有牛肉味。即炸魚皮每人一大件，即炸響鈴每人有兩件，味道一般。
另外有蝦膠釀鮮冬菇、鴛鴦蝦滑魚滑、鬼馬油條、黑松露芝士粟米餃，黑松露餃充滿黑松露嘅味道，較為有特色，其他味道一般。
最有驚喜係最尾時送上嘅甜品：意大利芒果雪糕，超好味。整體來說，這店的海鮮全部好新鮮，好好味，雖然指定嘅食物份量好似不多，每人只有一兩件，但我們食晒就剛剛好，沒有追加任何食物。飲品選擇多，店員非常細心，招呼好。這天在Facebook like 佢地，仲每個人送一串串燒。
雖然開始時講明用餐限時兩小時三十分鐘，但我們超時也沒有趕客，大家都食得好開心。
Post
