Video
Read full review
2019-02-08
4976 views
食團年飯既地方一向都係長輩話事, 我呢D小朋友帶個人去就得啦最後揀左金碧酒家, 起初都以為係D普通酒樓, 去到發現原來係D好舊式餐館行入門口果陣已經見到貼住張紙寫住是日包場客滿, 入面果然座無虛席呢間餐館淨係睇裝修都知道歷史悠久 (以下圖片係食完D人走哂得返我地枱先影架)去到原來呀姨已經一早訂好哂食咩餸, 等齊人就開始上菜第一道菜係杏汁豬肺湯, 唉, 心諗大獲啦, 我最怕杏汁果種味但呢個湯真係出乎意料地好飲, 唔知廚師做左D咩調味令到個飲到有杏汁味而又唔會令到我反感另外個豬肺都好好食, 豬肺首先炒香過, 仲調過味, 真係好好味之後就到生菜包, 一般既生菜包都係用免治豬肉碎但呢度竟然係用蠔豉, 入面仲有D馬蹄, 夾埋一齊出乎意料地好食, 既有新鮮感又好食呢道椒鹽鮮魷味道都唔錯, 炸粉好薄, 但椒鹽味略為唔夠呢個炸雲吞一上枱既時候真係嘩左一聲, 因為好大碟, 同埋好耐冇食過炸雲吞平時係出面食果D炸雲吞都係只會比碟甜酸醬你, 但呢度個甜酸醬仲有青椒, 肉片, 蝦仁個醬非常好味, 個味調得岩岩好, 唔會太甜或太酸, 真係好開胃呀西芹炒班球都炒得有大酒樓既水準, 魚肉彈牙同埋一D都唔腥最後呢碟厲
最後揀左金碧酒家, 起初都以為係D普通酒樓, 去到發現原來係D好舊式餐館
行入門口果陣已經見到貼住張紙寫住是日包場客滿, 入面果然座無虛席
呢間餐館淨係睇裝修都知道歷史悠久 (以下圖片係食完D人走哂得返我地枱先影架)
去到原來呀姨已經一早訂好哂食咩餸, 等齊人就開始上菜
第一道菜係杏汁豬肺湯, 唉, 心諗大獲啦, 我最怕杏汁果種味
但呢個湯真係出乎意料地好飲, 唔知廚師做左D咩調味令到個飲到有杏汁味而又唔會令到我反感
另外個豬肺都好好食, 豬肺首先炒香過, 仲調過味, 真係好好味
杏汁豬肺湯
97 views
2 likes
0 comments
之後就到生菜包, 一般既生菜包都係用免治豬肉碎
但呢度竟然係用蠔豉, 入面仲有D馬蹄, 夾埋一齊出乎意料地好食, 既有新鮮感又好食
金蠔生菜包
116 views
1 likes
0 comments
呢道椒鹽鮮魷味道都唔錯, 炸粉好薄, 但椒鹽味略為唔夠
椒鹽鮮魷
107 views
0 likes
0 comments
呢個炸雲吞一上枱既時候真係嘩左一聲, 因為好大碟, 同埋好耐冇食過炸雲吞
平時係出面食果D炸雲吞都係只會比碟甜酸醬你, 但呢度個甜酸醬仲有青椒, 肉片, 蝦仁
個醬非常好味, 個味調得岩岩好, 唔會太甜或太酸, 真係好開胃呀
錦滷雲吞
169 views
0 likes
0 comments
西芹炒班球都炒得有大酒樓既水準, 魚肉彈牙同埋一D都唔腥
西芹炒斑塊
89 views
0 likes
0 comments
最後呢碟厲害啦, 燒鵝點梅子醬就食得多, 梅子醬煮既燒鵝就真係未食過
呢度真係有成隻鵝, 淨係睇個盤都已經嚇親
梅子醬同燒鵝係最佳配搭, 味道必定係出色啦, 再加埋個底有芋頭, 好粉好腍好好味
梅子鵝
137 views
0 likes
0 comments
食到最後D人都開始走得7788, 跟住無意中發然有副對聯
第一次不來品嚐是你們的錯, 第二次不來品嚐是我們的錯
跟住笑左出黎, 好彩我有黎食到姐, 如果冇黎就真係我既錯啦
Post
