譚仔雲南米線 (Closed)

疫情關係，夜晚無得再外出堂食，今晚叫咗譚仔外賣，咁耐以嚟都真係第一次（平日夜晚通常自己煮飯多，好少叫外賣）。今次叫返我嘅至愛—重慶酸辣小辣竹笙小米線，一個字—！湯底又酸又辣又濃郁又熱辣辣，凍天食真係一大享受，食嘅時候好滿足好舒服好減壓。竹笙真係食辣米線嘅最好朋友，除咗本身營養價值高，最重要係佢鎖住同吸晒辣湯嘅精華，一啖啖咬落去又爽口又多汁。下次，我想試吓米線轉芽菜，好似好健康咁。又係食到尾聲先記得影相。我老公叫咗麻辣炸醬米線，譚仔嘅炸醬唔使多講，大家都知好好食