Lawry's The Prime Rib (Moved) New Location

聽聞呢間餐廳做到月尾就要結業了,所以決定試一試老牌餐廳既牛扒,order了 classic set。餐湯轉了龍蝦湯,好足料既龍蝦肉, 個湯好濃味,絕不馬虎,值得一讚。沙律會係你面前準備, 特意安排一支凍叉進食,看似講究, 但我覺得分別不大,整件事係覺得新鮮。主角出黎, 我就叫左medium, 食落去口感唔錯, 牛味重, 配埋個sauce好夾,反而個pudding食落好乾, 味道淡淡的。甜品係tiramisu, 我平時少食甜品但今次都幾鐘意, 唔會太甜, 口感滑溜, 食到陣陣既咖啡味, 加唔少分。過程中,有一些少插曲, 就係問侍應洗手間係邊, 佢呆左和"er"左一陣... 高級西餐廳最簡單既對答也應接唔到, 少許失望,但整體食物是滿意的。