木屋燒烤

Open Now

Now Closed

今日晏晝六點幾經過旺角，見到木屋燒烤，之前都有喺深圳食過，覺得唔錯，見唔使排隊，就坐低試吓啦，點知入到去坐低，唔夠5分鐘，就已經坐滿晒，之後一直去到八點幾都仲要等位，如果有興趣喺香港試吓木屋燒烤嘅朋友，要早少少嚟攞位了。味道同深圳食到嘅都非常接近，變態辣嘅豬手，真係超級辣，食得辣嘅朋友可以試吓，鋪面環境整潔企理，只係有少少迫，可能香港地方細租金貴，要用盡每一寸空間，但係喺香港食到呢個質素嘅串燒都已經非常唔錯，店內嘅服務員都足夠，不過價錢當然同深圳冇得比啦，如果唔想上深圳又想食串燒嘅朋友都可以過嚟試吓。