金鳳大餐廳 (金鳳樓)

Open Now

Now Closed

第一次嘗試，見到網上評論係好壞參半，但始終都係要試過先知好定唔好~入到去環境就係舊茶餐廳嘅格局，點咗兩個扒餐，分別係雞扒同鴛鴦扒，配餐有餐包，湯同咖啡，一上鐵板，就係果種傳統嘅鐵板扒嘅feel，非常夠風味，淋上汁，鐵板嘅滋滋聲仲持續咗一陣，醬汁只有燒汁同黑椒，但醬汁唔係好稀，味道唔錯，黑椒味道不太濃，個人覺得適合，始終口味都係因人而異，重點扒嘅分量都幾多，有兩大塊，肉質嫩，搭配醬汁味道十分唔錯，配餐嘅湯選擇咗忌廉湯，個人覺得個湯唔係我鐘意嘅口感，稍微有點稀，餐後再飲杯熱咖啡~總結今次嘅嘗試，個人覺得唔錯，性價比較高，下次有機會都會再去！