金鳳大餐廳 (金鳳樓)

Open Now

Now Closed

### **牛油餐包** 牛油餐包外皮微脆，入面好鬆軟，熱辣辣上枱，搽埋牛油之後，牛油慢慢溶化，香味撲鼻！### **忌廉雞湯** 忌廉雞湯好creamy，湯底濃郁滑溜，雞味好出，仲有少少蘑菇或者蔬菜粒增加口感。飲落好暖胃### **蘇格蘭牛扒餐（三成熟） - $140.00**呢個蘇格蘭牛扒煮到三成熟，外層微微焦香，切開見到粉紅色嘅肉，咬落去好嫩滑又多汁，牛味好濃郁！配菜有烤翠玉瓜同炸薯條，仲有個黑椒汁或者garlic source，整體配搭好夾。 調味恰到好處，唔會蓋過牛肉本身嘅鮮味。 牛扒好大塊，食完好滿足，啱晒大胃王!### **美國牛小排餐（四成熟）** 美國牛小排煮到四成熟，肉質比較有咬口，但依然好juicy，牛味濃郁帶少少油脂香。牛小排好入味，燒烤香味好突出，肉質軟腍得嚟又有少少嚼勁。 ### **熱檸檬茶** 熱檸檬茶，茶底香濃，檸檬嘅酸味好清新，加咗少少糖，飲落好舒服，食完牛扒飲啱晒！ 酸甜平衡，茶味濃郁，飲完個口好清爽。 ### **凍檸檬茶** 凍檸檬茶好解渴，茶底夠凍，檸檬嘅酸味好醒神，甜度適中，飲完可以中和返牛扒嘅油膩感。

今晚本身諗住去荔枝角道的金滿多餃子店食餃子，點知去到餃子店竟然休息，行返去太子時經過金鳳，見唔多人咪走入去試吓囉。我哋兩個人，一個叫咗鐵板牛柳餐，一個叫焗豬扒飯。牛柳無味，燒汁一啲都唔惹味，薯條淋嘅及只有幾舊翠玉瓜焗豬扒飯個茄汁一啲都冇茄味，啲飯有啲生嘅感覺，硬到石頭咁🪨(真係大X樂都好食過佢)其實真係大把餐廳嘅質素好過佢多多聲，不過好多人都好似我咁，俾啲打手寫到都會去試吓。總結一句⋯無下次🙅🏻‍♀️

要排隊，等勁耐，排咗9個字。冇氣氛，勁迫，花園餐廳都舒服啲，啲味焗住晒係店面，成件衫都係味。扒難食，又唔平，不如食大家樂。冇食到人情味，唔係nice，唔知啲人嚟食咩。

兩舊水食個jaja 聲嘅feel。塊扒本身就無乜味㗎啦，都係靠個汁。唔好有期望就無失望。個湯又好浠，應該係溝嘅？兩舊水計，自己買塊好啲嘅扒煎一定好食啲。不過出街大概都係呢個水平

晚上一個人，尤其是一個想自己獨樂樂的一天。總會想起食牛扒。而我就趁不用加班的一天，去看看太子有什麼西餐食，有什麼餐廳可以讓我獨自一人，獨自快樂地吃一份正牛扒。看街上找來找寺，始終都是覺得《金鳳大餐廳》的鐵板牛扒最合我心意同最合我的口胃。所以，巡視了幾家店之後，都係決定去《金鳳》排隊。由於我是一個人來，店員就立即收拾門口位的一張只能容納一人的小檯給我，所以，我連小票也不用取，直接有一個自成一角的座位。可以好安心地，慢慢看 menu。而當我一打開 menu 時，就立即被他們的 50週年 special 餐吸引住了。點好餐之後，就先來一份非常 Hong Kong Style 的湯同麵包。在港式西餐廳，來一個羅宋湯是最身心舒暢的。香香的麵包，最完美就是把一整舊牛油塞入去食，再配合香濃的羅宋湯，這是香港人才回明白的西餐享受。當日，若是個羅宋湯再熱少少的話，感覺會是更美。我點的牛扒，就是期間 special 的貴族牛扒。美國牛肩扒，我配的是薯菜同蒜蓉汁。當店員在我面前把香噴噴的蒜蓉汁淋上去時，觸碰到鐵板熱力時，汁液同香味立即四散。在我面前，是充滿100% 香味同油煙的。肉厚的牛扒，吃得出是沒有用過

真係好難搵到一間咁難食嘅餐廳，而仲有咁多人去食。午餐：紅白湯都唔得、件扒冇味而且霉、㗎啡同奶茶都淡而無味，係得個餐包正常❗️咁樣嘅質素而仲有人排隊等位，真係一絕👎🏻⁉️😞

突然之間好想鋸扒所以就去咗太子金鳳食嘢我哋叫咗兩個扒餐味道都係正正常常唔會有太多嘅雪味所以我同屋企人都好鍾意食不過食金鳳，最緊要就係多蒜真係會好食好多下次再鋸扒，又可以嚟食

我有個朋友喺群組極力推介我哋去太子有一間食西式大餐嘅餐廳，有牛扒、豬扒、羊扒、雞扒食，全部都好新鮮，好有懷舊味道，亦有多款鐵板食品選擇，仲係好多顧客要攞票喺出邊門外等候，朋友亦話這間餐廳預計要等一陣間啫，這間餐廳叫做金鳳大餐廳，位於太子荔枝角道102號金鳳樓地舖，港鐵太子站C2出口，行幾分鐘就到，非常方便。我哋入餐廳前都係等咗10分鐘啫，門口真係有唔少顧客喺度等，仲有唔少顧客來外賣，亦見到有外賣員工來接食品，真係一間好食嘅懷舊餐廳。金鳳大餐廳係舊式經典扒房，有濃厚舊式香港風味及懷舊西式風格，牆上仲掛上唔少以前香港嘅報紙，見到啲報道是讚這間餐廳扒房嘅食物好好食，亦讚餐廳店員友善及服務態度好，座位都令人坐得舒服，來這裏食真不錯。餐廳嘅餐牌入邊嘅食物款式真係好多，食物嘅照片都好令人吸引，店員仲好主動咁介紹俾我哋，唔同肉類既特質，醬汁嘅味道，除咗扒類，亦都有米飯、意粉、沙律，最後我哋就揀左美國安格斯肉眼扒餐和金鳳飯，店員仲好細心推介肉眼扒最好揀五成熟，入口好食。美國安格斯肉眼扒餐有附送餐湯、餐包同飲品，好快餐湯同餐包就來，個餐包上枱時係熱而且好鬆軟，搽上牛油就快速溶哂，真係令人食得開心滿足，而

今日同爸爸一齊放工，佢話想食牛扒，咁佢就帶我去食金鳳大茶餐廳,大約六點去到 冇乜人 叫咗兩個西冷牛扒餐$140! 價錢合理😉黑椒汁好食，不過肉質就麻麻哋！口感好硬嚼爛 ！ 少啲牙力都搞唔掂 食完飯 大約7:00竟然唔好咁多人排隊

一開門就見到成間餐廳超級大煙，仙境咁！雖知道食港式鐵板餐係會好大煙，但抽氣系統差亦係事實。因為朋友聚會，所以都冇得轉地方，就唯有忍耐，餐飯都未食到一半，就已經喉嚨痛… 食完餐飯之後成身都係油煙黑椒味！

荔枝角道總店的呢間金凤大餐厅好出名的，於是趁得閒過來試一下，飯點時間，等位就梗噶啦，無他，真系夠好味啊嘛。等咗大半個鐘，有得埋位。總店位置雖然唔會話非常闊落，但卡位都尚算舒適。試過曬距地絕大部分牛排，個人強烈推薦美國牛小排，半熟，加生蒜，鐵板上！真系試過都話正。首先餐包同忌廉湯，一如既往有水準。餐包熱辣辣，夠曬軟熟，搽埋牛油，掂！忌廉湯今次稍微鹹咗少少，不過自己本身淡口，不過不失啦。主菜：大大份牛小排，$200都唔使，真系去邊度搵。個人喜好，生蒜會撥落鐵板煎出香味，甘樣可以同牛小排出黎噶牛油充分混合，更具風味。五成牛排，肉質鮮嫩，又多汁。入口非常順滑，肉味同油脂一齊迸發，真系恰到好處。搭配煎香過噶生蒜，又唔會太油膩，正啊！

#金鳳大餐廳今次講嘅係位於太子嘅金鳳大餐廳💕 好耐冇食過呢啲咁懷舊嘅港式扒房❤️ 裝修好有特色😌😌充滿着煙霧彌漫嘅氣氛😚😚 但小編提一提大家 如果想食就盡早過嚟排隊啦🙈因為人流都幾多🙈🙈扒餐會包牛油餐包、餐湯同餐飲‼️麵包烘得微脆 搽完牛油入口即溶好正😋😋羅宋湯除左辣味❣️仲要好足料🔆🔆番茄味都好重手 絕對係港式嘅味道👅貴族牛扒 $208💰（7.5/10）貴族牛扒其實係美國牛肩肉☺️一送上枱已經好香嘅牛肉味 仲要見到塊牛扒真係好厚好厚🤤🤤淋啲汁上去嘅時候發出「滋」嘅聲 真係好治癒☺️☺️牛扒肉質鬆軟 食落去一啲都唔會韌😛😛配埋黑椒汁一流‼️‼️旁邊啲薯條索晒晒啲汁之後都好入味🔆🔆牛柳餐 $125💰 （7.5/10）牛柳餐有兩塊🥳🥳每塊都係厚切肉質好淋好好咬😋😋配埋黑椒汁辣辣地好香口超夾😎😎一切開仲會見到內側仲係嫩紅 完全唔會Overcooked🤤🤤用呢個價錢食到中上品質嘅扒 絕對抵食😚😚仲要啲汁都好香濃 配埋啲扒真係一流❤️❤️喺呢度食嘅都係人情味🔆🔆睇到呢度 快啲約埋朋友一齊去‼️‼️推薦指數🌟 7.5 / 10 🌟📍#巨B覓食太子金鳳大餐廳 (金鳳樓) (太子)⚜️ 太子荔枝角道102號金鳳樓地舖⏱星期一至

港式既西餐係香港有好多間，但數到經典就一定係金鳳大餐龐夠哂經典～🤤今日試呢間扒房餐廳係太子，而香港都有好多分店，鐵板上既牛扒，一上菜打開紙巾淋黑椒汁上鐵板😎「沙！～」最期待就係呢下聲音畫面！🥂🍴美國極品牛小扒餐連餐包及餐湯（約一人份量）：$192牛小排油花分佈均勻，所以口感多汁鮮嫩細緻，嫩滑的口感和豐富的肉汁，岩哂中意食牛既各位牛魔王🤤📌金鳳大餐廳 (金鳳樓)🍽️太子荔枝角道102號金鳳樓地舖

🥜經常黎金鳳鋸扒，但係有時見到門口有人等就會放棄食第二間🥜5:00去直接入😋🥜次次去都唔洗諗直接叫一紅一白湯同餐包🥜細個叫忌廉湯，大個叫羅宋湯🥜餐包鬆軟牛柳餐（五成熟） $140⭐️⭐️⭐️⭐️⭐️🥜份量大，性會比高🥜唔加黑椒或者蒜蓉汁，通常都係加鹽或者茄汁，但就係少左落汁時果d渣渣聲🥜配菜有翠玉瓜、薯條西冷牛扒餐（五成熟）（加蒜茸$2） $142⭐️⭐️⭐️⭐️⭐️🥜朋友愛重蒜黑椒汁🥜絕對唔柴茄汁意粉 $18⭐️⭐️⭐️⭐️🥜好夠味，係舊年代嘅偏淋嘅意粉

平時冇用開openrice, 都要突登打個comment勸世！！！叫左個西冷牛扒五成熟，直接比咗個well done 我，仲要話係我擺到熟曬，啲肉靭到同食香口膠冇分別，我街市買嚟打邊爐啲cheap牛都好食過佢十幾倍！！！！！！環境仲要殘舊，張凳係爛嘅，坐得勁唔舒服，比兩舊幾水比啲咁嘅質素俾我真係世界級，真心建議慳返啲錢算，明明之前都幾正常，而家難食到嘔，唔係講笑大家真係避雷plzzzz!!!!!!!!!