西川風味餐廳 (Closed)

本身約左朋友係荃灣食一品雞煲, 但因為朋友病左, 食唔到， 我立即約左男友係屯門食西川。 幾年前都食過其它分店, 印象唔錯 但屯門呢間就未食過西川有分任食 (139-169蚊一位)同散叫兩種, 今次我地想食質素好啲既野, 所以叫左散叫。 橫掂我地又細食, 不如食啲好啲既果日星期6, 我地唔想等位, 所以6點3就到左, 得3至4張枱有客, 正合我意! 但好可惜, 雖然好少客, 但老闆娘好似食左火藥咁, 不停大聲話啲員工, 對客人又無禮貌! 成晚都比佢嘈住晒, 影響晒心情, 隔離枱都頂個老板娘唔順, 直接問佢 “做咩咁燥, 宜家咁早, 又唔係多客”。之後老板娘好左少少, 但都係好嘈好惡, 反而佢啲員工態度ok我地叫左鮑魚雞煲半隻, 小辣。 入面有4隻飽魚, 好爽口, 好味, 不過記得初頭就要食,唔好放到後尾!之後仲叫左手打墨魚丸, 手打鯪魚球, 本地手切牛肩脊, 響鈴!墨魚丸同手切牛都好好味, 鯪魚球同響鈴就可以唔叫。