靚煲皇 (Closed)

每次食晚飯，要照顧成班朋友的意見是最頭痛的，咁啱係食評搵到呢間鋪頭，可以食到火鍋和小菜，完全可以照顧晒我哋五個人小菜叫咗：梅仙子與小鮮肉，煮法有啲似傳統的咕嚕肉，但係應該係用冰花梅醬煮嘅，一食落口少咗酸味，但梅子嘅甜味香味，脆炸豬柳肉，乾脆得來唔肥膩，配搭十分之出色，外皮淡淡脆香，肉質仍然鮮嫩，即時醒胃咗3分,家鄉腐皮卷，特色在於腐竹皮炸得乾爽，入口香脆,"索索"聲的脆聲，個肉餡係用孜然粉煎豬肉，再加上一些水瓜絲，再配上特別調的蛋黃醬，非常香口又有好特別嘅肉質感覺！值得推介大家去食因為天氣熱大家都想飲靚湯，於是乎叫咗花膠冬瓜雞湯，湯味清甜已有一種冬瓜的清新味，湯裏面配料有花膠冬瓜，冬蟲草花，娃娃菜，杞子和紅棗!跟住服務員幫我地用刀叉將半隻雞分件，雞肉煮得剛剛好，保持嫩滑的雞肉又有雞味，可能是個湯底的功勞，我哋食完隻雞同飲晒啲湯，撈起啲冬瓜同娃娃菜食完之後，再加湯 就在叫咗粟米同竹笙，煲左一陣，個湯更加甜,有朋友忍唔住叫咗個極上肥牛！原來鮮清湯配肥牛，先至帶得出肥牛嘅本來牛肉味，本來想再叫多啲嘢食！但係我哋已經好飽，可能飲得湯多！