90s Lazy (先施大廈) (Closed)

支持黃店！💛💛💛附近搵到哩間Cafe就上去，無book但好好彩有位！滿心歡喜order完，嘢飲好快到咗，其中一個意粉(明太子扁意粉)等一陣就有，味道幾好味！我同男朋友一人叫咗一個意粉，食完一碟，另一份足足等咗45分鐘，唔明點解可以等咁耐，仲要只係一個最普通嘅帶子扁意粉。。。全場得6張枱30個人....而佢又唔係中間應付好多order，人手都唔少，員工眼見六個。但等咁耐，真係咩mood都無晒，由好期待到上菜都唔想食😩仲要個味道好普通。btw 咁多個店員得一個女仔係有戴口罩，其他都無嘅，先唔講肺炎，廚房兩個男仔都要戴掛？衛生d，又係咁傾計。