Video
Read full review
2023-10-15
429 views
家住上水幾十年，第一次幫襯呢間荳子。本身兩公婆極喜愛食牛脷，經朋友推介，話佢嘅焗鮮茄牛脷飯，極啱我，重要係厚切，大大塊，四塊。中午12:15左右進入點餐，兩個都係焗牛脷，一個意粉，一個飯，兩杯凍檸茶少甜。呢度有手機點餐，因為需要焗香啲，我選擇叫個女仔過嚟用手寫落單，佢正常照寫，但轉頭番嚟話冇得焗香啲，怕會焗燶。咁我話冇所謂，好快，兩杯凍檸茶嚟喇，篤完啲檸檬一飲，覺得好怪，開頭我懷疑啲檸檬隔夜，咁我咪攞塊檸檬出嚟試吓，但係正常嘅，後來飲下啲茶，原來係啲茶有問題。咁咪叫左女仔埋嚟同佢講:”你哋呢兩杯檸檬茶好似有啲問題，可唔可以換過其他俾我”，當時佢話好，仲問我想換啲咩，我話兩杯凍奶茶多奶。跟住佢攞走嗰兩杯野。過左一陣，有個身穿白色外套，外形徧瘦嘅中年男人，拎番嗰兩杯凍檸茶番嚟，話佢哋啲凍檸茶係咁，冇得換。我見係咁，算啦，咪叫佢擺低，心諗，以後請我都唔會嚟。但而家食嘢點可以冇水濕下口吖，過咗兩分鐘左右，咁啱又叫翻同一個男人，叫佢要兩杯水。佢攞左兩杯水嚟到，我見張枱細，咪叫佢攞走嗰兩杯凍檸茶，跟住仲話，我換一杯俾你啦！嗰時我聽到，火先嚟，我話”唔使喇！準備上網睇嘢啦！”跟住好快食完就走。補充講
以上全屬事實嘅陳述，不愉快嘅經歷，呢啲咁嘅商場連鎖飲食集團，食物又唔算特別出色，價錢錢又貴，制度差，服務態度更差，都係幫襯番啲街坊小店好過啦😂😂😂
Post