牛寶寶 (Closed)

去4樓買急凍海產，見到＜牛寶寶＞的易拉架，店名好有趣，就決定翌日試佢地嘅早餐。我地公司喺＜牛寶寶＞對面大廈，要買滿一百蚊才送外賣，好在今日有4條友一齊落柯打，一定湊夠數。打開外賣袋，八個眼球都被牛油包包吸引~因為附近幾家餐廳都唔係用哩種包包，摸上手，男同事驚呼 : 「個包仲暖㗎！」，另一位男同事已急不及待大啖咬 : 「好味呀！」望下張收據，原來凍飲及外賣盒都唔使加錢，又係一個驚喜~另，真係俾巨型庵列的size嚇親~女同事話豬扒咸咗DD，我就覺得庵列淡咗D，如果加少少黑胡椒粉就完美勒~