亞玉冰室 (Closed)

今日一早有事要出去，返到元朗已經2點，本來諗住去南邊圍冬菇亭買外賣，好彩睇多次好似星期日係唔開，咁即時睇下外賣平台揾嘢食，決定幫襯亞玉冰室。家人被卜卜蜆茄湯烏冬吸引，卜卜蜆鮮甜，份量亦唔少，茄湯夠濃，食完又無特別口渴，呢個推介！而凍朱古力就太甜。我就叫咗個懷舊冰室雜扒飯，雞扒美味，荷包蛋亦OK, 豬扒有小小韌，不過勝在夠大塊，腸仔同火腿都OK，配上茄汁，夏天都幾開胃。凍檸茶走甜夠茶味。整體食物的質素滿意，推介及會再幫襯。不過今日外賣平台足足用咗1個鐘25分送餐，雖然未必關餐廳事，僅供參考。食物美味，但服務欠佳 (遲大到)，所以總結係一般。