蕃滿門 (Closed)

每次行過都見好多人排隊，咁多年都冇機會去試，今日午飯時間行過門口見冇排隊，拿拿聲同相公坐低。由於第一次幫襯，唔知叫咩食好，睇完餐牌都係冇頭緒，見隔離枱碟焗飯好似好好味，但肚裏的早餐還未完全消化，所以都係食粉麵算數。我點左蕃茄滑蛋濃湯雙拼餃子米線小辣，相公點左蕃茄滑蛋濃湯香酥雞扒飯。等左一陣就有得食啦，不過，炸餃子過火了所以好鬼硬，而煎餃子又唔夠乾身所以唔得脆口，失敗好在個蕃茄滑蛋濃湯係幾開胃，濃淡得宜，但米線却煮得過淋...下次都係點通粉好了。相公嘅香酥雞扒飯原來係湯飯，不過份量足夠，而且雞扒外表夠脆口，內裏又夠juicy，相公都話好食不過間舖冇咩冷氣，食到我地一身汗。