鴻記茶檔

Open Now

Now Closed

海防道天橋底的臨時熟食中心及臨時街市，已經不記得「臨時」了多少年，相信除非政府收地，否則會一直「臨時」下去。但這個熟食中心位置奇差，深信政府不會收地；皆因旁邊是垃圾站，而且位於天橋底，根本沒有其他合適用途。熟食中心在海傍道方向有兩個入口，正式入口經有貨車出入，阻擋了視線；另一個入口則要穿過街市走到盡頭。熟食中心有40多年歷史，2018年底關閉重建，2020年底重開。內裡有多過檔口，全部是簡單茶檔及粥粉麵檔。今日第一次光顧，隨意揀了「鴻記茶檔」。常餐轉出前一丁轉汽水（$49） 有一份火腿煎蛋，但並沒有分開另上，只直接鋪在餐肉公仔麵上面；慳水慳力，洗少隻碟！出前一丁只要沒有淥過火，總不會太差。最差是火腿煎蛋；火腿唔好味，太陽蛋變反蛋。雲吞牛腩雙拼河粉加凍奶茶（$55）唔好食。河粉黏在一起；牛腩又乾又韌又味淡；雲吞雖然很多蝦肉，但沒有蝦味。手切新鮮牛肉乾炒牛河（$57）味道總算較為正常。食得出最低限度是冰鮮牛肉，有牛味，亦沒有用過量梳打粉醃制至霉軟。河粉炒得只是一般，欠鑊氣、缺豉油香味，入口未夠油潤爽滑。勝在夠平夠抵食，但就不能要求好味道。今日來到，天氣開始轉涼，室內環境可以接受；很難想像炎