金記冰室 (黃大仙中心南館) (Under Renovation)

行開黄大仙，朋友話金記幾多人食，就試下金記啦。餐廳主打懷舊風，装修都幾靚。行到好口飲，梗係即係叫杯野飲先啦，叫左杯菠蘿冰，最正既係菠蘿冰上有大大個vanilla味既雪糕，真係估佢唔到。叫完野飲，叫翻d主菜醫下肚先得。朋友話想試下個枝竹雙腩煲，個汁鹹得理有魚腩既香味，送飯一流。食完個鹹少少既餸，食翻個淡味小小既餸balance翻先，叫左個苦瓜炒蛋。尼個真係不得了，蛋香味完全中和苦瓜的苦澀味，食完個口有d 甘甘地的甜味。食左咁多味肉，叫翻個菜食先啦。叫左個炒雜菜，火候一流，好夠獲氣，正。尼間餐廳下次經過一定再食。