Crust Sorrento (Closed)

近日，同朋友帶住大家既小朋友一齊去呢間海邊嘅西餐廳，本嚟想享受一場休閒嘅下午茶時光👨‍👩‍👧‍👦。啱啱入門，服務員帶我哋去室內座位，嗰冷氣好凍🥶，驚小朋友凍親，我哋就想轉位去戶外檯。點知一個非華人嘅女侍應即刻黑口黑面😒，極唔情願。好彩，我哋再搵另外一位同樣非華人嘅男侍應幫手，佢禮貌有加兼面帶笑容😃幫我哋換咗位。到落單點菜嗰陣，嗰位女侍應成程都黑晒面😡，態度冷漠又敷衍，點菜嗰陣毫無耐性，對菜品嘅介紹都係寥寥幾句，完全冇展現出應有嘅專業同熱情。而最激氣嘅系，當有外國人嚟食飯嘅時候，呢位女侍應即刻變得禮貌有加兼滿面笑容😃，咁嘅差別對待，真系令我哋更加嬲爆😤。好在上菜速度都算快😜，而且食物味道不錯😋。食材新鮮；咖啡香濃醇厚。原本期待嘅美好 high tea 時光，被糟糕嘅服務打咗折扣😖。呢間西餐廳，如果能改善服務態度，恐怕先至可以留住更多顧客😕。