Video
Read full review
2021-10-17
2815 views
今天中午，我帶著孩子和朋友一起來飲茶，朋友說這間不錯，便來試試。 失望得我連相都唔記得影。首先，無可否認，服務是80分以上。 這是唯一可取的地方。 至於食物的品質，簡直是新同樂的價錢，翠園的質量。讓我真心覺得自己中伏。 我們點了以下的食物：1. 蝦餃 2籠2. 燒賣1籠3. 粉果1籠4. 椒鹽九肚魚 1碟5. 火鴨絲湯米 1鍋6. 荷葉飯 1碟7. 咖喱牛腩煲 1煲“仔”8. 咖喱魷魚 1籠9. 壽包仔 2籠10. 叉燒 1“細”碟11. 牛肉腸粉 1碟12. 菜心中牌 1碟唔似中牌嘅中牌總價錢： $2360 （3個大人，3個小朋友）第一點： 味道這樣的價錢，我們完全吃不到驚喜。 如果以這個價錢，我已經可以去新同樂或者金鐘香格里拉的夏宮飲茶，起碼這兩間的味道精緻細膩，服務一流，裝修更不用說。 如果再補多小小錢，已經可以去Four Season 龍景軒飲茶啦。 可是這間呢，我完全吃不到這種價錢的味道， 味道粗糙，不夠細緻。那籠粉果，完全沒有粉果的餡料，連花生都冇粒，粉果蒸完出黎應該半透明，但是我看著以為未蒸煮，因為是白色的。 吃下去，不像粉果，我還以為是廚房搞錯了。 那碟叉燒更離譜，一
首先，無可否認，服務是80分以上。 這是唯一可取的地方。
至於食物的品質，簡直是新同樂的價錢，翠園的質量。讓我真心覺得自己中伏。
我們點了以下的食物：
1. 蝦餃 2籠
2. 燒賣1籠
3. 粉果1籠
4. 椒鹽九肚魚 1碟
5. 火鴨絲湯米 1鍋
6. 荷葉飯 1碟
7. 咖喱牛腩煲 1煲“仔”
8. 咖喱魷魚 1籠
9. 壽包仔 2籠
10. 叉燒 1“細”碟
11. 牛肉腸粉 1碟
12. 菜心中牌 1碟唔似中牌嘅中牌
總價錢： $2360 （3個大人，3個小朋友）
第一點： 味道
這樣的價錢，我們完全吃不到驚喜。 如果以這個價錢，我已經可以去新同樂或者金鐘香格里拉的夏宮飲茶，起碼這兩間的味道精緻細膩，服務一流，裝修更不用說。 如果再補多小小錢，已經可以去Four Season 龍景軒飲茶啦。 可是這間呢，我完全吃不到這種價錢的味道， 味道粗糙，不夠細緻。
那籠粉果，完全沒有粉果的餡料，連花生都冇粒，粉果蒸完出黎應該半透明，但是我看著以為未蒸煮，因為是白色的。 吃下去，不像粉果，我還以為是廚房搞錯了。
那碟叉燒更離譜，一碟$280， 得大約10舊，細舊到死，用個細碟上，看上去很小家。 舊肉唔靚，就算上面淋左好多蜜汁都掩蓋唔到舊肉唔靚嘅事實。 真係迪士尼酒店入面間晶荷軒碟叉燒都好食過佢多多聲。 再唔係，去Dim Sum Library食佢個黑毛豬叉燒都好過比$280食碟咁差嘅野。
那個咖喱牛腩煲，一點都不好吃，有椰汁味，得個鹹字， 咖喱味不夠。 茶餐廳嘅咖喱牛腩飯絕對比佢好食。
牛肉腸粉的餡料雖多，但外型和口感都粗糙，感覺和普通大酒樓的品質差不多。 一般來講，能收這種間錢的酒樓，腸粉都是薄薄的，看上去和吃下去都很滑，且蒸熟後有小小透明，可是這個腸粉完全不是那回事，味道方面，普通過普通。
碟菜心，我叫中牌，但係點睇都唔似中牌。
壽包仔，蓮蓉不多，口感不算鬆軟，跟在普通酒樓吃的差不多。
至於荷葉飯和湯米， 也是一樣，完全沒有驚喜。 如果要講味道，我情願去中環新世界入面果間翠亨邨。
第二點：裝修
裝修只能說簡潔，不過不失。 我認為，酒樓不一定要豪華，但是既然收得咁嘅價錢，起碼都要有特色或者有品味。 呢間野兩樣都冇。
餐具都係普通貨色。 呢種價位嘅酒樓，餐具大部份都有自己嘅特色，例如新同樂用嘅係象牙筷子。 呢間野，夠膽死用D普通到街市或者淘寶買到嘅極平凡餐具黎招待客人，就算係淘寶買，係咪都應該買些特色D，靚D嘅款呀。 咁樣同我係屋企食有咩分別？
第三點： 食物賣相 (food presentation)
普通過普通，和普通街坊酒樓冇分別。 真系唔明點解佢夠膽收咁嘅價錢。 我係新世界間翠亨邨食個上湯菜心，人地都係上面灑幾粒紅色嘅杞子裝飾下吖，話曬都係中上價錢， 呢間野連扮下野都費事。 喂，咩叫色香味呀？
唯一可取，就係服務。
整體評語：
我不能說它難食，但是如果要我食呢種水平，我情願去鴻星，百樂門或者八月花，起碼我比嘅同食嘅價值係對等先。
第一次咁mean去批評一家食店。 沒辦法，因為中伏的感覺太深。
Post